67. Steinertour der Männer

Vortrag von Martin Hug / Basler Ruderclub

Ihr liebe Frind do usem Oschte,

wo mit ys raschte und nit roschte,

y dangg fir Eyer Gaschfrindschaft –

wie jedesmol isch’s fabelhaft!

Wie viil mol scho mit unsrem Krayer

em Felix Peter, em Ärnscht Meier

und witere vom BRC

fray i mi do z’sy und Eych z‘gseh.

Nur unterbroche vom e Zmorge

duet me sich Stai-wärts uffeworge,

und isch me dann in Stai am Zyl

gänn Ihr is do Bürger-Asyl.

An Uffert isch’s e guete Bruuch,

syg’s Wasser glatt, sig’s ehnder ruuch,

dass mir bi Eych dr Daag dien gniesse

und s’Zämmesyy mit Eych begiesse.

E Presidänt wo frindlig lacht,

e Büffee wo fascht zämmegracht,

e Begg wo-n-is Crämschnitte macht *

und denn dä Käller, s’isch e Bracht!

Wo me mi gfrogt het: Kunnsch au Du?

hani sofoort gsait: Yes – me too!

(Zum Gligg het’s do hit kaini Fraue,

sunscht runzleded me jetze d’Braue).

Und die baar Zircher wo do sitze

kemme im Boot auch meh ins Schwitze

als an ihrem Säggsilyte –

dr Beeg isch platzt, kippt nit uff d’Syte,

trotz Basel als em Gaschtkanton –

jo, «Undangg isch der Welten Lohn».

A propos Undangg, Weltenlohn –

Das isch fir uns kai neye Doon:

Mit unsrer Zytig goht’s ys glych,

e Ziircher, eltlig, aber rych,

verkauft si an die Tagi-Zytig.

Mir bilde-n-ys jetz anderwytig

und lääse statt die Basler Kritik

kritisch die Neyi Ziiri Zytig.

Mir und d’Schaffhuser sin am Rand

vom Räschte vo däm Schwyzerland.

S’verbindet ys dr Vatter Rhy,

und unser liebschte Zytverdryyb’s

isch s Ruedere als Glammere,

drum hämmer gar nyt z Jammere.

Basler und Zircher Asylante,

(fir Eych sin’s Ruederboot-Migra10nte)

wärde vo Eych in Stai verpflägt,

und y mues sage, s isch perfäggt!

Im Namme vo dr Basler Crew:

See you next year, for sure, thank you!

*Noodraag zue de Cräämschnitte:

S lätz Datum het die Schnittebschdellig,

drum git’s halt Daarte (au ganz gfelllig…)